Зурвас бичих
Messenger
Залгах
5 дахь удаагийн шинэчлэлээр хэрэглэгчдэдээ хандсан томоохон өөрчлөлтүүд орсон
Сүүлийн үед дижитал маркетинг хүчээ авч, бизнесийн байгууллагууд бүтээгдэхүүн, үйлчилгээгээ хайлтын систем, сошиал медиа, и-мэйл, өөрийн вэб хуудас гэх мэт сувгуудыг ашиглан хэрэглэгчдэдээ мэдээлэл хүргэх аргыг ихээхэн ашиглах болсон. Тэгвэл барилгын салбарын бизнес эрхлэгчдийн маркетингаа хийх талбар болсон barilga.mn сайт 5 дахь удаагийн шинэчлэлтээ хийж, илүү өргөн боломжийг та бүхэнд олгож байна.
Энэ талаар "Барилга МН" ХХК-ийн мэдээлэл, технологийн ажилтан Д.Алтан-Очиртой ярилцлаа. Онлайн худалдаа асар хурдацтай хөгжиж, интернэт хэрэглээ өсөн нэмэгдэж буйг дагаад вэб сайтын хөгжил гэдэг зүйлийг ярих хэрэгтэй байх. Энэ талаарх хамгийн сүүлийн үеийн мэдээллээсээ хуваалцахгүй юу?
Одоо үеийн байгууллагын вэб сайт гэдэг нь тухайн байгууллагыг интернет орчинд бүрэн илэрхийлэх чадамжтай онлайн хэлбэрийн оффис болж хөгжиж байна. Өөрөөр хэлбэл танай байгууллагын бүх процессийг агуулсан, түүнийг гүйцэтгэх чадамж бүхий бие даасан нэг супер ажилтан гэж хэлж болохуйц хэмжээнд ажиллах чадвартай цаашлаад мэдээлэл боловсруулах, түүнд суурилсан шийдвэрүүдийг өөрөө гаргах гээд илүү хүний хүчин зүйлээс хамааралгүй болж эхэлсэн байна.
Энэ талаар арай дэлгэрэнгүй тайлбарлаж өгөхгүй юу?
Сайтын өнөөгийн хөгжил бидний өдөр тутмын ажлын үйл явцыг богино хугацаанд оновчтой шийдлээр, ухаалгаар гүйцэтгэх чадамжтай болж, зарим тохиолдолд тухайн систем хүний үүргийг гүйцэтгэж чаддаг болсон нь хамгийн сүүлийн үеийн дэвшил юм. Тухайлбал, харилцагчийн чатад хариу өгөх, үнийн санал явуулах, төлбөрийн нэхэмжлэх илгээх гэх мэт өдөр тутамд хийх шаардлагатай хэрнээ цаг хугацаа их шаардагддаг ажлуудаа хялбархан шийддэг болж байгаа нь вэб сайтууд хурдацтай хөгжиж байгаагын нэг тод жишээ юм.
Тэгвэл барилгын салбарынханд вэб сайтыг үр дүнтэй ашиглах ямар боломжууд байна вэ?
Барилгын салбарын байгууллагын вэбсайт гэдэг нь зорилтот хэрэглэгч олоход дөхөм байх хамгийн энгийн бөгөөд чухал шалгуурыг хангадаг байвал эхний үүргээ гүйцэтгэлээ гэж үзнэ. Тэрнээс өдөр тутам ашигладаг юм уу, олон нийтрүү хандуулсан их хандалт авдаг сайт байхдаа гол нь биш. Яахав хандалт их байлгах боломжтой гэхдээ байнга хандалт өндөр байлгахын тулд дагаад тийм хэмжээний өртөг шаардагдана. Маш их зардал гаргачихаад орж ирэх үр дүн багатай бол үр ашиггүй зардал л гэсэн үг. Өөрөөр хэлбэл манай байгуулагын бүтээгдэхүүн үйлчилгээг хайж орж ирсэн хүнд маш тодорхой, үнэн мэдээллийг нь өгч тухайн агшинд танай байгууллагыг сонгох шийдвэр гаргахад л зориулагдах ёстой. Ялангуяа барилгын салбарын хэрэглэгчид энэ тал дээр их мэдрэмтгий худалдан авагчид байдаг шиг санагддаг. Учир нь өдөр тутам хэрэглэгддэг бараа үйлчилгээ биш тухайн хүн тодорхой хугацаанд харьцуулалт судалгаа хийж байж сонголт хийдэг учраас хамгийн эхлээд тухайн бараа үйлчилгээг үзүүлэх найдвартай байгууллагын мэдээллийг интернет орчноос хайдаг болсон. Нэг талаас хэрэглэгч бараа үйлчилгээ хайгаад байгаа тохиолдолд нөгөө талдаа шаардлагатай мэдээллээр хангах нь л манай салбарын байгууллагуудын вэб сайтын гол ажил болоод байна даа.
Та бүхэн сайтаа шинэчилж, өөрчлөхдөө баримталсан гол зарчим юу байв? Ямар болгохыг зорьсон бэ?
Энэ удаагийн шинэчлэлээр бид вэбсайтаа харагдах байдал талаас нь мөн сайтын процесс үйл ажиллагаа талаас нь зохион байгуулалт бүтэц талаас нь гээд ерөнхийдөө цоо шинээр ахиж хийсэн гэсэн үг. Үндсэн 4 модулиудаа нэмэгдүүлж салбарын байгууллагуудад тулгамдаад байгаа хүний нөөцийн хэсгийг нэмж оруулсан, мөн салбарт болж буй томоохон үйл ажиллагаа, хурал уулзалтуудад зориулж үйл явдал хэсэгтэй болсон. Энэ удаагийн шинэчлэлийн хамгийн гол зорилго гэвэл бид өөрсдийн гишүүн байгууллагууд буюу өөрсдийн мэдээллээ манай портал систем дээр бүртгүүлсэн байгаа 1200 гаруй гишүүддээ тус бүрт нь өөрсдийн онцлог шингэсэн вэбсайтаа үүсгэх, удирдах боломжоор хангаж өгөхийг зорьлоо. Өмнөх хувилбар нь зөвхөн мэдээллээ оруулах түгээх боломжтой байсан бол шинэ хувилбар бүрэн бие даасан вэбсайт болж ажиллах боломжтой төдийгүй хүссэн үедээ тухайн сайтаа өөрөө засах боломжтой гэсэн үг.
Өөрөө вэбсайтаа үүсгээд, мэдээллээ оруулаад засварлах боломжтой гэсэн үг үү?
Тийм ээ. Хэрэглэгч өөрийн сайтаа үүсгэхэд бөглөх мэдээллүүд нь бэлэн бол ердөө 4-5хан минутанд та вэбсайтаа үүсгэчих боломжтой. Өөрийн байгууллагын үйл ажиллагааны чиглэл нийцсэн загваруудаас сонгоод өөрийн мэдээллүүдээ гүйцээж оруулхад л болно гэсэн үг. Мэдээж хэрэглэгч өөрөө үүсгэсэн учраас тухайн сайтаа хэдийд ч нэмж өөрчлөх засварлах боломжтой, мөн тодорхой эрх бүхий хүмүүсийг нэмээд тухайн эрхийн дагуу ажиллуулах боломжтой байгаа. Мөн өөрийн худалдаж авсан домайн хаягаа www.barilga.mn портал дээр үүсгэсэн сайттайгаа холбоод ажиллуулж болно. Тухайн байгууллагын дэд сайт нь бие даасан хэлбэрээр ажиллах хэдий ч тухайн байгууллагын бүтээгдэхүүн үйлчилгээ, ажлын байр, үйл явдал зэрэг шаардлагатай контентүүдийг үндсэн модулиуд дээрээ харуулж өгснөөр тухайн байгууллагын мэдээллийг үндсэн www.barilga.mn сайтаараа дамжуулан зорилтот хэрэглэгчдэд хүргэх боломжоор хангаж байна гэсэн үг.
Удирдлагын хэсэг
Олон гишүүн байгууллагатай томоохон платформын хувьд өөрчлөхийг хүссэн гол онцлогууд нь юу байв?
Ер нь байгууллагын вэбсайт ажиллаж байна гэдэг нь тухайн байгууллагад багагүй санхүүгийн зарлага үүсгэдэг. Наад зах нь домэйн худалдан авахаас эхлээд вэбсайт хийлгэх, байршуулах сервер түрээслэх, вэбсайтаа баяжуулах арчилах гээд толгой өвтгөсөн ажлууд их байдаг. Ихэнх тохиолдолд манайхан нэг вэбсайт бүтээдэг байгууллага юм уу хувь хүнтэй хамтарч ажиллах тохиолдол элбэг. Энэ нь зөв ч манайхан вэбсайтаа байнга хөгжүүлэх, контентоор баяжуулах гэх мэт дараагийн шатны чухал ажлуудаа мартчихдаг. Мэдээж вэбсайт хийдэг хүмүүс байгууллагууд байнгын үйлчилгээний гэрээтэй л биш бол тэр болгон танай мэдээллийг шинэчлээд, засварлаад байх боломжгүй. Үүнээс болоод манайхны вэбсайтууд мэдээлэл нь хуучрах, эсвэл бүр хэсэг ажиллаж байгаад хаагдчихдаг. Мэдээж энэ нь тодорхой хэмжээний хэрэглэгчдээсээ холбодоно гэсэн үг. Энэ бүх асуудлыг энэ шинэчлэлээр салбарын байгууллагууддаа шийдэж өгөхийг хүссэн.
Бид барилгын салбарын хэрэглэгчдийн нэгдсэн сан бүрдүүлэхийг зорьж байна. Ингэхдээ хэн ч, хаанаас ч тухайн платформ дээр байгууллагынхаа мэдээллийг хялбархан оруулж өөрийн сайттай болох боломжийг бүрдүүлэх гэж хичээлээ. Цаашлаад вэбийн загвар таалагдахгүй бол өөрчлөх, бусад платформууд /Facebook, Youtube, Hubspot/-тай хоршиж ажиллах зэрэг нэмэлт боломжийг хангахаар хичээж байна даа.
Тэгвэл хэрэглэгчдээс гадна гишүүн байгууллагууд хоорондоо харилцах, хамтран ажиллах боломж нээлттэй юу?
Шинэчлэлтийн дараагийн шатанд бидний хийж буй нэг том ажил нь энэ гэж хэлж болно. Одоогоор бид гишүүн байгууллагууд хоорондоо харилцах чатын хэсгийг шийдэж өгсөн. Ингэснээр манай систем дээрх байгууллагууд хоорондоо харилцсан түүх үлдэж байнгын хамтын ажиллагааг дэмжиж байна гэсэн үг. Цаашлаад сайтууд тус тусын дэлгэрэнгүй тайлангийн хэсэгтэй болгохоор ажиллаж байна
Хэрэглэгчийн удирдлагын хэсэг
Сайтын дэлгэрэнгүй тайлангийн хэсгээ тодруулбал ?
Ойрын хугацаанд бид тухайн дэд сайт болгон өөр дээрээ хянах самбар буюу хэрэглэгч хүссэн үедээ ороод харах боломжтой тайлангийн хэсэгтэй болгохоор ажиллаж байна. Байгууллагын мэдээллийг тань хэн үзсэнийг нээлттэй харуулдаг болсноор та хүссэн үедээ тайлангаа хараад, сүүлд орсон хэрэглэгчийн нэр, утас, байгууллагын нэрийг мэдэх боломжтой болж байна гэсэн үг. Ингэснээр гишүүн байгууллагууд хоорондоо харилцах, бизнесийн харилцаа үүсэх томоохон хөшүүрэг болно гэж итгэж байна.
Сайтын гол хэсэг болсон шинэ орон сууцны хэсэг хэрхэн өөрчлөгдөж байна вэ? Төсөл борлуулагчдад ямар боломжуудыг олгож байна?
Энэ хэсэгт зөвхөн төлбөр төлсөн орон сууцнуудыг харуулдаг байсан. Харин одоо төлбөр төлөөгүй хэрэглэгчийн оруулсан орон сууцны мэдээллийг нягтлаад шууд сайт руу оруулдаг болсон. Гэхдээ төлбөртэй мэдээллүүдийг бодвол зарим хязгаарлалтыг хийнэ. Ихэнх хэрэглэгч орон сууцны мэдээлэл үзэх явцдаа шууд борлуулалтын менежертэй нь шууд холбогдож дэлгэрэнгүй мэдээлэл, төлбөрийн нөхцөлийг нь мэдэх хүсэлтэй байдаг. Тиймээс энэ боломжийг нь олгож орон сууц хэсэгт чат болон орон сууцны захиалгын хэсэг нэмж оруулсан. Мөн хэрэглэгчиддээ зориулан бүх орон сууцнуудыг газрын зураг дээр харах, түүнээсээ шүүж харьцуулж харах гэх мэт хэрэгтэй функцүүдийг шийдсэн.
Мөн гишүүн компаниудын нэгэн адил орон сууцны мэдээлэлдээ тохирсон олон /Theme/ загваруудаас сонголтыг нэмж хөгжүүлж байна. Дээр хэлсэнчлэн орон сууц үзсэн хүмүүсийн мэдээллийг нэг дороос харах боломжоор хангахаар ажиллаж байна.